Йәйге иртә. Ҡармаҡ, күнәк,
Кәрәк-яраҡтар алып,
Ҡоштар моңон тыңлай-тыңлай,
Киттем тоторға балыҡ.
Бына йылға. Ҡармағыма
Кейҙереп иң яҡшы ем,
Һыу өҫтөнән керпек ҡаҡмай
Ҡалҡауысты күҙләйем.
Алабуға һәм сабаҡтар
Бигерәк күп эләкте.
Оптолары ла юҡ түгел –
Тултыра яҙҙым күнәкте.
Ҡояш һүлпәнәйҙе инде,
Туҡтаны һайрар ҡоштар.
Мин дә өйөмә юл тоттом,
Тотоп бик күп балыҡтар.
Айҙар ТОЛОМҒУЖИН.
Бөрйән районы, Үрге Нөгөш ауылы.