Йәй миҙгелен яратамын
Шундай рәхәт, күңелле!
Болондар, ҡырҙар, туғайҙар
Гөл-сәскәгә күмелде.
Яландарға хуш еҫ бөркөп
Таралған бесән еҫе.
Еләк йыябыҙ урманда,
Түҙеп торғоһоҙ эҫе.
Гөр итәбеҙ йылға буйын,
Һыу инеүҙәре рәхәт.
Ҡояшлы йәй – үҙе шифа,
Йәнгә – ял, тәнгә – сихәт.
Ҡаҙ бәпкәле, еләкле йәй
Тиҙ генә елеп үтә.
Ял итеп ҡалырға кәрәк,
Тиҙҙән уҡыуҙар етә.
Тамерлан ЗАРИПОВ, йәш хәбәрсе.
Туймазы районы, Серафимовка ауылы.