Ҡуян йылына
Аҡ ҡуян, йомшаҡ ҡуян,
Яңы йылдың хужаһы.
Кәрәк ине һинең менән
Йылды ҡыйыу уҙаһы.
Ҡуян йылы килһә лә,
Батырлыҡҡа мул булһын.
Өркәклекте тамырынан
Ҡоротоусы йыл булһын.
Ҡатҡан бәғерҙәребеҙ
Китһен бер аҙ йомшарып.
Ҡурҡмай, тыныс йәшәһен
Һәр ил, бөтөн Ер шары.
Тормош һынауҙарына
Төшмәйексе ҡойолоп.
Бар теләктәргә өҫтәп,
Мин теләйем ҡыйыулыҡ.
Ринат СӨЛӘЙМӘНОВ.
Фото асыҡ сығанаҡтан алынды.