+23 °С
Дождь
Илһам/Шиғырҙар
13 Февраля 2023, 11:20
Икмәк
— Әпәкәйҙе ҡалай бешерәләр?
Икмәк
— Ҡояш төштө уҙғас, баш әҙерлә.
— Ҡайнар һыуҙа ондо иҙеп ҡуйҙым.
— Сөпрә ҡуш та ултырт йылы ергә.
— Әсәй, ҡояш офоҡтарға сумды...
— Бисмиллалап, балам, ҡамыр туғы.
— Нисаҡлыраҡ итеп самалайым?
— Бер сүмесе — бер таба тиң һыуҙы.
Ипләп кенә мейес башына ҡуй,
Бәпес кеүек итеп өҫтөн көплә.
Изге ниәттән тип, ҡояш менән
Уятырһың үҙен. Йоҡлап китмә.
Майлап ҡына яйлап ҡамыр баҫһаң,
Мейес һүрелгәнсе күтәрелер.
— Алһыу ғына бейек әпәкәйем!
— Икмәк өҫтө — ҡояш төҫтәрелер.
ТАМАРА ҒӘНИЕВА.
Фото: vk.com.
Икмәк
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
