+17 °С
Болотло
Бөтә яңылыҡтар
Илһам/Шиғырҙар
28 Февраль 2023, 15:00
Яңы ғына үткән бала саҡ
Кеше, ахыры, күп йәшәгән һайын
Яңы ғына үткән бала саҡ
Бала сағын иҫләй нығыраҡ.
Өмөт ҡошон һаман саҡырғандай,
Ағастарға элгән тағараҡ.
Хәтер генә: әкиәт тыңлаған саҡ,
Ихлас көткән мәлдәр тылсымды.
Йәшеренәм, тиеп, уйнағанда,
Ҡояш нуры асҡан усымды.
Кейем таплап, күләүектәр кисеп,
Ҡанатланып хатта осҡан саҡ.
Ҡыуанғанда көлөп, имгәнгәндә илап,
Яңы ғына үткән бала саҡ.
Ҡайҙа ҡалған гелән яҡшылыҡҡа
Ышанған саф сабый күңеле?
Ихлас йөҙҙәр, эскерһеҙҙәр ҡайҙа –
Ялған, мәкер ята түгелеп.
Йүгереп туймаҫ булған кескәй сағым
Килгән кеүек ине оҙатып.
Ҡыуып етһен, тиеп, яйлаһам мин,
Ул да ҡапыл ҡалды туҡталып...
Мин үҫкәндә бергә эйәргән ул,
Булып бәхетемдең һағында.
Әйләнеп баҡһам, шат бала сағым
Моңһоу тора юлдың сатында...
Лилиә ҠАҺАРМАНОВА.
Сығанаҡ һәм фото: vk.com
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж