Һис йәлләмәй һибә ҡояш
Ергә нурҙарын,
Яратырға һуҙған әллә
Шулай ҡулдарын!?
Наҙлап ҡына һыйпап үтеп
Тауын, ҡаяһын,
Һыпырып алып ташлаған
Аҡ таҡыяһын!
Яҡшы дирижёр ҙа икән
Ҡояш уғата:
Тамсыларҙан, ҡошсоҡтарҙан
Көйҙәр уйната.
Боҙ-ҡарҙарҙы юҡ итерҙәй
Ул ниндәй көстөр?!
Туң йөрәкте лә иретер
Яҙғы оркестр!
Люциә ФАЗЛИӘХМӘТОВА.
Миәкә районы, Күл-Ҡуңҡаҫ ауылы.
Фото: stihi.ru