Ҡыйыҡтағы боҙбармаҡтан
Ергә тамсылар тама.
Яҙ үҙенең килеү йырын
Еремә шулай яҙа.
Һәр бер өҙөлөп төшкән тамсы
Һут булып ергә һеңә.
Бына ошо бер тамсынан
Башлана йәшәү ерҙә.
Боҙбармаҡтар арымай-талмай
Яҙа ергә йән өрөп.
Ҡарҙан әрселгән болондар
Сәскә атыр йәм биреп.
Яҙ һин әйҙә, яҙыҡайым,
Нағышлап йәшәү йырын.
Ер өҫтөндә тик мөхәббәт,
Тыныслыҡ алһын урын!
Сибай Ҡашҡа.
Фото: userapi.com