Яҙҙың һулыш алышы:
Күңелдәргә өмөт һала
Гөрләүектәр ағышы.
Күрер күҙҙе ҡамаштыра
Көндөң аяҙ сафлығы.
Йәйғор төҫтәрендә балҡый
Ер-әсәнең шатлығы.
Иркә елдәр тәбрик итә
Ҡояштың нур инешен.
Көндән-көн нығый төҫлө
Яҙҙың йөрәк тибеше.
Яҙҙың гөрләп килеүенән
Бар тереклек уяна.
Ә балалар: “Каникул!” – тип
Икеләтә ҡыуана.
Айгөл Ишемғужина-Иҙелбаева.
Баймаҡ ҡалаһы.
Фото: Сәкинә Тотманова сәхифәһенән.