+22 °С
Ямғыр
Илһам/Шиғырҙар
30 Ноябрь 2023, 11:24
Аттар йөрөй тибендә
Өшөтөп тә тояҡтарын,Аттар йөрөй тибендә.
Аттар йөрөй тибендә
Берсә яна, берсә өшөй
Йөрәккәйем минең дә.
Аттар йөрөй тибендә,
Ҡайтмай улар кисен дә.
Ташлап мине китһәң дә,
Ҡалдың, бары, иҫемдә.
Ап-аҡ булып, бәҫкә сумып,
Аттар йөрөй тибендә.
Сал һалырмы һары һағыш,
Сәстәремә минең дә?!
Аттар йөрөй тибендә,
Ҡайтмай улар кисен дә.
Ташлап мине китһәң дә,
Ҡалдың, бары, иҫемдә.
Йылы яҙҙы көтә-көтә,
Аттар йөрөй тибендә.
Яҙ ҡояшы иретерме
Йөрәгеңде һинең дә?!
Аттар йөрөй тибендә,
Ҡайтмай улар кисен дә.
Ташлап мине китһәң дә,
Ҡалдың, бары, иҫемдә.
Мәүлит КӘРИМИ.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
