+28 °С
Болотло
Илһам/Шиғырҙар
16 Апрель 2024, 12:00
Яҙ килә, яҙ!
Туймазы районы Серафимовка ауылынан Тамерлан Зариповтың шиғыры.
Яҙ килә, яҙ!
Зәңгәр күктә шат йылмайып
Ҡояш нурҙар тарата.
«Яҙ килә, яҙ!» – тип һөйөнә
Шаян тамсы ҡыйыҡта.
Йырғанаҡтар йырлай-йырлай
Үҙҙәренә йыра юл.
Йырғанаҡтар гөрләшеүе –
Яҙҙың бер билдәһе ул!
Өй янындағы тирәккә
Тиҙҙән сыйырсыҡ ҡайтыр.
Көҙҙән бушап ҡалған оя
Йәнә йәнләнеп балҡыр.
Ҡарҙан ҡурҡмай, яҙ биҙәге –
Умырзаялар ҡалҡыр.
Аҡ ҡайындар уянып,
Шатланып япраҡ ярыр.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
