Күрше: “Аҡса кәрәккән”, – ти,
Шуға улар һуғышта!
“Юҡ, улай түгел – ялған!” – тим,
“Атай Ватан һаҡлай алыҫта!”...
Минең атай һуғышта,
Һеҙҙең атай өйҙәме?
Әсәй күҙе алыҫта –
Өйҙөң юҡ хәҙер йәме.
Мин уҡыйым мәктәптә,
Себерҙә йөрөй ағай.
Атай янына барам, тип тә
Ашҡына, китер буғай...
Күрше: “Аҡса кәрәккән”, – ти,
Шуға улар һуғышта!
“Юҡ, улай түгел – ялған!” – тим
“Атай Ватан һаҡлай алыҫта!”.
Үткән айҙа әхирәтем
Күмде ергә Ағаһын.
Атай иҫән ҡайтһын өсөн,
Хәйер бирәм көн һайын.
Тиҙерәк бөтһөн инде СВО тигәндәре.
Тыныс тормош , һин кил инде!
Ҡыйын бит көтөүҙәре...