+22 °С
Ямғыр
Илһам/Шиғырҙар
8 Декабрь 2024, 13:00
Ҡояшымды тоҡандыр
Мин таңға ҡаршы югерҙем.
Ҡояшымды тоҡандыр
Ул - миңә. Ҡолас йәйеп!
Бишектән алып ҡояшын
Ебәрҙе тәгәрәтеп.
Офоҡ сите яҡтырғандан
Яҡтыра барып һаман,
Йәйелде яҡтылыҡ ергә
Тотош донъяны ялмап.
...Төн ҡараһын йыртып ергә
Тарала ҡояш нуры.
Сигендерә төндә йәнде
Ҡоршаған шомло уйҙы.
Бер мәл генә - йәшәү көсөн
Ҡалаһың ҡапыл аңлап:
Яңы көнгә яңы өмөт
Булмышты ала яулап!
Йәшәү өсөн көс биреүсе
Иң илаһи мәл - таңдыр.
Һәр таңда ла, йә Хоҙайым,
Ҡояшымды тоҡандыр!
Гөлзифа ИСРАФИЛОВА.
Фото: Г. САҘРЕТДИНОВА.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
