+28 °С
Болотло
Илһам/Шиғырҙар
28 Ғинуар 2025, 07:35
Балаларым
Төн ҡараһын алһыу таңға ялғап,
Балаларым
Таба алмай тыныр сараларын,
Мин үҫтерҙем һеҙҙе, бәхет юрап,
Йөрәк ярып тапҡан балаларым.
Был донъялар гелән борсолдора,
Уйҙарымда ауыл-ҡалалары,
Ҡайҙа йөрөп, ниҙәр эшләһә лә,
Тик уңышлы булһын балаларым.
Ҡағылмаһын уҫал дауылдары,
Урап үтһен бәлә-ҡазалары,
Йөрәгемдә булыр ғүмер буйы
Күҙ нурымдай күргән балаларым.
Һеҙгә терәк булып йәшәр өсөн
Етһен генә ине самаларым,
Бар йәшәүем ерҙә – һеҙҙең өсөн,
Ғәзиздәрҙән ғәзиз балаларым.
Фирүзә АБДУЛЛИНА.
Фото: З.ХӘКИМОВА.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
