+21 °С
Ясно
Илһам/Шиғырҙар
21 Августа , 19:30
Башыңды эймә, кешем...
Ейәнсура районы Байыш ауылы ҡыҙы, шағирә Зәйтүнә ТҮЛЕБАЕВАның күңелгә үтеп инерлек, тәрән мәғәнәле шиғырын тәҡдим итәбеҙ. Тау биттәрен ап-аҡ ҡылған баҫҡан,
Башыңды эймә, кешем...
Сал сәстәре гүйә, берәүҙең.
Күпме ҡайғы-һағыш күргән башы
Кәрәге юҡ, хатта һүҙҙәрҙең.
Нимә күргән, нимә кисергәндер,
Аҡ ҡылғандар — бары серҙәше.
Һалҡын таштар ҡосоп илаймы ул,
Ысыҡ тамсылары — күҙ йәше.
Ҡылған сәсте елдәр һөйөп уҙа,
Уртаҡлаша кеүек һағышын.
Шишмә һыуы тымыҡ ҡына аға,
Тыңлай төҫлө йөрәк ҡағышын.
Сал башыңды берүк, эймә, кешем,
Күкрәгеңде киреп, тороп баҫ.
Һыҙылып атҡан таңды ҡаршыла ла,
Аҡ теләктәр менән көнгә баҡ!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
