+10 °С
Ясно
Илһам/Шиғырҙар
27 Августа , 05:55
Мин һәммәгеҙгә ихлас теләйем
Услап та килһен, тоҡлап та килһен,
Мин һәммәгеҙгә ихлас теләйем
Аяҡ-ҡулдарға уралып килһен.
Уңдан да килһен, һулдан да килһен,
Йөрәккәйҙәргә урғылып килһен.
Иртән дә килһен, кисен дә килһен,
Аң-зиһендәрҙе таҙартып килһен.
Төнөн дә килһен, көнөн дә килһен.
Насар уйҙарҙы ағартып килһен.
Йәйен дә килһен, ҡышын да килһен,
Ғәйбәт һүҙҙәрҙән аҡланып килһен.
Көҙөн дә килһен, яҙын да килһен,
Шаҡшы-нахаҡтан һаҡланып килһен.
Хоҙайымдан гел һорайым шуны:
Яҡындарыма, туғандарыма,
Балаларыма, ейәндәремә,
Күршеләремә һәм дуҫтарыма...
Аҡса тимәгеҙ, байлыҡ тимәгеҙ,
Аҡса–бер көнлөк, байлыҡ–бер айлыҡ.
Мин һәммәгеҙгә ихлас теләйем
Иман ныҡлығы, ҡаҡшамаҫ һаулыҡ!
Сибәғәт РАХМАНҒОЛОВ.
Сығанаҡ һәм фото: Ғүмерем бер генә, ҡәҙерен бел генә!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
