+15 °С
Болотло
TelegramVKOK
Бөтә яңылыҡтар

Ураҙа байрамы мөбәрәк булһын!

Хөрмәтле йәш дуҫтарым! 24 майҙа ислам диненең оло байрамы булған Ураҙа ғәйетен ҡаршы­лайбыҙ.

Ул Рамаҙан айы тамамланыу менән бил­дәләнә. Бер ай дауамында барлыҡ мосолман донъяһы ураҙа тота. Был изге айҙа күптәр көн дауамында ашау-эсеү­ҙән тыйылып ҡына тормай, бар­лыҡ на­сар ғәмәл-һүҙҙәрҙән арына, гел генә изгелек ҡыла, үҙендә ихтыяр көсө тәрбиәләй.

Дуҫтар, белеүегеҙсә, әле барлыҡ сараларҙы күмәкләп уҙғарыу тыйыла. Һеҙҙең дәрестәрегеҙ ҙә өйҙә генә үтә. Шулай булыуға ҡарамаҫтан, кәйефебеҙҙе төшөрмәйек. Байрамыбыҙҙы яҡшы уйҙар менән генә ҡаршылайыҡ. Атай-әсәйҙәрегеҙҙе, олатай-өләсәйҙәрегеҙҙе һәм башҡа яҡындарығыҙҙы Ураҙа ғәйете менән ҡотларға онотмағыҙ. Ул һәммәбеҙгә лә шатлыҡ-ҡыуаныстар алып килһен! Ураҙа байрамы мөбәрәк булһын!


Айнур хәҙрәт БИРҒӘЛИН, мөфтөй, Башҡортостан мосолмандары Диниә назараты рәйесе.
Читайте нас: