-7 °С
Болотло
TelegramVKOK
Бөтә яңылыҡтар
Иман барҙа - әхлаҡ бар
20 Октябрь 2020, 23:24

"Диәнәт" журналын интернетта ла уҡып була

Тарихҡа күҙ һалһаҡ, БАССР үҙәк Диниә назараты тарафынан 1926-1928 йылдарҙа "Дианат" исемле журнал сыҡҡан. Уның мөхәррире Мөтиғулла Ғатауллин була. Баҫма иҫке төрки телендә сығарыла. Бына ошо дини журнал 2019 йылда Башҡортостан мосолмандары Диниә назараты рәйесе Айнур Бирғәлин башланғысы менән яңынан донъя күрә башлай.

Ул башҡорт телендә өс айға бер сыға. Хөтбәләр татар телендә лә бирелә. Бик йөкмәткеле журнал: йолаларыбыҙ, пәйғәмбәрҙәр тормошо тураһында, ғилем, фән һәм тормош, фикһ дәресе һәм башҡа рубрикалар бар. Намаҙ ваҡыты ла бирелгән. Баҫмала дин буйынса үҙеңде ҡыҙыҡһындырған күп һорауҙарға яуап табырға мөмкин. Балаларға ла иғтибар бүленә: улар өсөн тәрбиәүи темаларға дини әкиәттәр сыға. Журналдың ҡағыҙ варианты 999 дана менән баҫыла. Шуныһы һәйбәт: "Диәнәт" журналының электрон вариантын Башҡортостан мосолмандарының Диниә назараты сайтына инеп уҡырға мөмкин: https://dumrb.ru/diyanat-magazine/.
Читайте нас в