Саҡырып торған кеүек

Ярай әле эргәмдә Сабина апайым бар. Уның менән бергә булғас, интернат тормошона тиҙ генә өйрәнеп киттем. Тәрбиәселәребеҙ Зөлфиә Салауат ҡыҙы һәм Азат Зөлфәҡәр улы Ғәлиевтәр ҙә ярҙамға килергә әҙер. Күңелле саралар ойоштороп ҡына торалар.
Яңыраҡ Яҡшымбәт ауылындағы «Аҡ мәсет»кә барҙыҡ. Фәрхәд мулла беҙҙе ихлас ҡаршы алды. Ул ислам дине тураһында һөйләне, мәсет тарихы менән таныштырҙы. Беҙ ҙә яттан белгән доғаларыбыҙҙы ишеттерҙек. Малайҙар имам менән бергә намаҙ ҙа уҡыны.
Мәсеткә барғандан һуң күңелебеҙгә нисектер тыныс, рәхәт булып ҡалды. Динебеҙҙе, доғаларҙы белергә кәрәк. Иман йортона тағы ла барырбыҙ әле. Ул хәҙер үҙенә саҡырып торған кеүек.

Йәсминә ИТБАЕВА, IV синыф уҡыусыһы.
Көйөргәҙе районы, Яҡшымбәт мәктәбе.