+34 °С
Ясно
Иман барҙа - әхлаҡ бар
26 Февраля 2023, 12:00
Намаҙ гонаһтарҙы юя
Пәйғәмбәрҙән (ﷺ) шундай хәҙис риүәйәт ителә: «Әгәр кеше дөрөҫ итеп тәһәрәт алһа һәм намаҙ уҡыһа, уның ошо hәм бынан алдағы намаҙы араһындағы гонаhтары ярлыҡаныр».
Намаҙ гонаһтарҙы юя
Аллаһ рәсүле (ﷺ) кешеләрҙән һораған: «Һеҙ нисек уйлайһығыҙ: әгәр берәүегеҙҙең ишеге алдында йылға ағып ятһа, hәм ул көнөнә биш тапҡыр шунда йыуынһа, ул кешелә берәй бысраҡ ҡалыр инеме?» «Юҡ, бер ниндәй ҙә бысраҡ ҡалмаҫ ине!» – тип яуап биргән тегеләр. «Нәҡ бына шулай Аллаh һеҙҙе биш намаҙ менән гонаһтарҙан таҙарта», – тигән Аллаһ рәсүле (ﷺ).
Әбү Зар исемле сәхәбә риүәйәт итеүенсә, бер көндө Пәйғәмбәр (ﷺ), бер ағас ботағын һелкетеп, япраҡтарын ҡойолдора ла шулай ти:
«Эй Әбү Зар, әгәр мосолман Аллаһ ризалығы өсөн намаҙ уҡырға торһа, уның гонаһтары ла ошо япраҡтар шикелле унан ҡойолоп төшәсәк».
Сығанаҡ һәм фото: vk.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
