Шуға ла кескәйҙәр араһында үткән конкурстарҙа ҡатнашмай ҡалғаны юҡ. Бүздәк районы Сәүәҙебаш ауылында йәшәгән нәнәһенән бик күп сүрә лә өйрәнгән ул. Аятел-Көрси, Фатиха, Нәс, Фәләк кеүектәрен яттан белә.
Ауылды бик ярата ул. Алмаз ағаһы менән ҡартаталарына булышалар. Айҙар картуф әрсей, иҙән йыуа, нәнәһенә ҙур ярҙамсы. Ата-әсәһе гармун алып биргән. Әле ҡартатаһынан уйнарға өйрәнә, яйлап «Әпипә»не сығара башлаған да инде. Оҙаҡламай уның кеүек оҫта гармунсы ла булыр әле.
Ошондай иманлы, тырыш балаларҙы күреп, күңел һөйөнә.
Э. РӘШИТОВА.