Егет IX синыфта белем ала. Яҡшы өлгәшә, яратҡан дәрестәре – физкультуpа, физика, геoгpафия, башҡopт әҙәбиәте. Шиғырҙар һөйләргә әүәҫ, хатта район бәйгеләрендә ҡатнашып призлы урындар ҙа яулап һөйөнә. Ағаһы менән апаһынан өлгө алып, ул да гәзит-журналдарға яҙышып тора.
Бар нәмә ғаиләнән башлана. Инсафтың әсәһе Юлиә Ғөбәйҙулла ҡыҙы ураҙа тота. Унан күрмәксе, үҫмер инде икенсе йыл был ғәмәлде ҡалдырмай. Тулыһынса килеп сыҡмай әлегә, ураҙаны башта – 5, аҙаҡтан 5 көн тотоп ҡуя. Иртәнсәк сәхәргә бергә торалар. Көндөҙ ваҡыт уҡыу, йорт эштәре менән һиҙелмәй үтеп китә, ти егет. Ул арала ауыҙ асыр мәл дә етә.
Инсафҡа 3 йәш сағында атаһы юл фажиғәһендә һәләк була. Аллаға һыйыныу ауырлыҡтарҙы еңелерәк үткәрергә ярҙам итә. Алмас ағаһы менән Наҙгөл апаһы мәсеткә йөрөй, даими саҙаҡа-хәйер биреп, барыһына ла ярҙам итергә генә торалар. Инсафтың да артабан динде ныҡлап өйрәнергә теләге бар. Иншалла, изге теләктәрең тормошҡа ашһын!