Бөтә яңылыҡтар
Ижади түңәрәктәрҙә
6 Апрель 2018, 13:20

Һүҙ – Нуриман районы Иҫке Күл мәктәбе уҡыусыларына

Ура, яҙ килә! Ура, ура, яҙ килә, Балалар бик шатлана. Яҙ килгәнгә ҡыуанып, Ҡыйыҡтан тамсы тама.

Ура, яҙ килә!

Ура, ура, яҙ килә,
Балалар бик шатлана.
Яҙ килгәнгә ҡыуанып,
Ҡыйыҡтан тамсы тама.

Алмағастар

Яҙҙар еткәс, һылыу булып
Йәшәрә алмағастар.
Ботаҡтарына ҡунып
Һайрайҙар һандуғастар.

Аделина ШӘЙХЕТДИНОВА.

Ҡоштар ҡайтты

Ергә йәмле яҙ етте,
Беҙгә ҡоштар ҙа ҡайтты.
Ҡаты һыуыҡтар бөттө,
Умырзая сәскә атты.

Вилмир ЗӘЙНУЛЛИН.

Һандуғас

Бик шатланып һандуғас
Ҡайтты тыуған яғына.
Ҡанаттарын елпеп һайрай
Ҡунып таныш талына.

Гөлфиә ҒӘЛИЕВА.

Турғай

Турғай әйтә: «Сырҡ-сырҡ, ти,
Ем һалырға сыҡ-сыҡ», – ти.
Ҡошҡайыма ем һалдым,
Бик тә ҙур рәхмәт алдым.

Әлиә ТАҺИРОВА.

Беҙҙең дуҫтар

Яҙғы иртә. Ауылыма
Осоп ҡайтты күп ҡоштар.
Мин үҙҙәрен бик яратам,
Улар бит беҙҙең дуҫтар.

Айгөл ҒӘЙНУЛЛИНА.