Бесәй

Һары ғына бесәйем бар, Эй, уйнарға ярата. Йомшаҡ ҡына кескәй дуҫым Тормош йәме тарата!

Көн дә мине көтөп ала,

Тышҡа бергә сығабыҙ,

Шаярып йүгерә-атлай

Урам буйлап сабабыҙ!

Яратам кескәй дуҫымды,

Ул һәр саҡ минең янда.

Аңлаған кеүек ҡулымды,

Иркәләй һуҙған саҡта!

Аҡ айыу

Кескәй өҫтәлем өҫтөндә

Ап-аҡ бер айыу йәшәй.

Аяғында – уның йөн ойоҡ,

Ҡулдарында – бейәләй.

Мәктәпкә киткән сағымда

Оҙатып ҡала мине.

– Тырышып уҡы, «бишле» ал, –

Тип әйтә кеүек үҙе.

Аҡ айыуым – уйынсығым

Гел генә минең янда.

Дәрестәрҙән ҡайтыуымды

Һағынып көтөп ала.

Туған телем

Телдәр бик күп был донъяла,

Тик туған тел бер генә.

Әсәм теле – туған телем

Бик ҡәҙерле ул миңә.

Туған телемдә һөйләшәм,

Серләшәм дуҫтар менән.

Туған телем – иркә гөлөм

Гел генә минең менән.

Айлина ҒӘБИТОВА,

VII «Б» синыфы уҡыусыһы.

Өфө ҡалаһы, Рәми Ғарипов исемендәге 1-се республика башҡорт интернат-гимназияһы.

Читайте нас в

1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.

Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.

Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.

Телефон

8 (347) 273-36-64.

Электрон почта

[email protected]

Адресы

450079, г. Уфа, ул. 50 летия Октября, 13, 8-й этаж