-17 °С
Болотло
TelegramТестарVKOK
Бөтә яңылыҡтар
Ижади түңәрәктәрҙә
23 Октябрь 2020, 20:25

Төрлө төҫтәргә буяп

Көҙ апай килә баҙарҙан – Нимә генә алмаған!Ниндәй бүләк кәрәклеген Әйтмәһәң дә аңлаған.

Ҡайындарға – һары яулыҡ,

Миләшкә – ҡыҙыл мунсаҡ,

Сейәгә – көрән алҡалар,

Ал да ҡолағыңа таҡ!


Алһыу, йәшел буяуҙарҙы

Биргән алма-ҡыярға.

Бөрлөгән ҡыҙыл мәрйенен

Белмәй ҡайҙа ҡуйырға.

Көҙ шулай төрлө төҫтәргә

Буяй бөтә ерҙе лә.

Еләк-емеш менән һыйлай,

Шатландырып беҙҙе лә.


Ҡунаҡтарын көткәндәй


Ҡупшыланып аҡ ҡайындар

Алтын алҡалар таҡты.

Миләш беште, ә сағандар

Ҡыҙыл елән балҡытты.


Миләш теҙгән мәрйендәрен,

Ҡунаҡтарын көткәндәй.

Һыйын йомарт өләшергә

Беҙҙе үҙенә өндәй!


Рәзилә ҒАРИПОВА, XI синыф уҡыусыһы.

Өфө ҡалаһы,

Рәми Ғарипов исемендәге 1-се республика башҡорт интернат-гимназияһы.
Читайте нас в