-6 °С
Болотло
TelegramVKOK
Бөтә яңылыҡтар

Гимназияла – «Бүре башы – 12!» музыкаль әкиәтенең премьераһы

Өфөләге Рәми Ғарипов исемендәге 1-се республика башҡорт интернат-гимназияһының тамаша залында «Бүре башы – 12!» музыкаль әкиәтенең премьераһы үтте. Кемдәр уйнаны, тиһегеҙме? Әлбиттә, ошо белем усағының  VIII «Б» синыфы уҡыусылары инде. Улар үҙ ролдәрен тырышып,  килештереп уйнаны. Афарин!

Гимназияла – «Бүре башы – 12!» музыкаль әкиәтенең премьераһы
Гимназияла – «Бүре башы – 12!» музыкаль әкиәтенең премьераһы

 Тамаша гимназияның сығарылыш уҡыусыһы, билдәле драматург, күренекле балалар яҙыусыһы Рәсимә Ураҡсинаның «Бүре башы – 12!» пьесаһы буйынса  ҡуйылды. Спектаклдең режиссёры – театр етәксеһе, Башҡортостан Республикаһының атҡаҙанған сәнғәт эшмәкәре Әлмира Ҡыуатова, композиторы – Әлфиә  Зиннурова, балетмейстеры – Вячеслав Шарун, рәссамы – Әнисә Томаншина, тәрбиәселәре – Фәимә Ишморатова һәм башҡорт теле һәм әҙәбиәте уҡытыусыһы – Римма Тимербулатова.

– Спектакль бик матур ҡуйылды.  Балалар барыһы ла тырышып уйнаны, залдағыларҙың барыһы ла оҡшатҡандыр, моғайын.  Һәр бер бала үҙенең роленә яуаплы ҡарап, ҡуйылған маҡсаттарын үтәне. Тағы ла  спектаклдән һуң уҡыусылар бер-береһе менән нығыраҡ дуҫлашты. Әлмира апай ҙа балалар менән ихлас шөғөлләнде. Шулай уҡ уҡыусылар ҙа үҙен яратып өлгөрҙө. Киләсәктә ошо балалар араһында артист һөнәрен һайлаусылар ҙа булыр, моғайын –  ти башҡорт теле һәм әҙәбиәте уҡытыусыһы Римма Тимербулатова.

 

Фото: Әҙилә Ғәзизова.

Автор:Зөһрә Хәкимова
Читайте нас в