Космонавтар килде ҡунаҡҡа

 Ошоғаса меңдән ашыу йәш рәссам уның студияһында шөғөлләнеп, оҫталығын арттырған. Уҡыусылар танылған шәхестәрҙең портреттарын яһай, күргәҙмәләр ойошторола.

Иң ҡыҙығы шул ижади эштәрҙе геройҙарҙың үҙҙәренә бүләк итеүҙер, моғайын. Яңыраҡ Рәсәй космонавтикаһының күренекле вәкилдәре менән шәп осрашыу булды. Өфө районы Булгаков лицейының VI синыфынан Эвелина Дәүләтшина заман космонавтикаһына нигеҙ һалған ғалим Эдуард Циалковскийҙың портретын эшләп, уның
бүләһе, «Энергия» ракета-космик корпорацияһы белгесе Сергей Сабуровҡа тапшырҙы. Туймазылағы 2-се мәктәптең IX синыфынан Радмила Хисмәтуллина менән Өфөләге 93-сө физика-математика лицейында алтынсыла уҡыған Камила Миянова иһә осоусы-космонавтар, Рәсәй Геройҙары Анатолий Арцебарский һәм Сергей Трещевтарҙың портреттарын үҙҙәренә бүләк итте.

Ҡунаҡтар Өфөгә Халыҡ-ара аэрокосмик мәктәбе уҡыусылары менән осрашыуға, лекциялар уҡырға килгәйне. Рәссамдар улар менән күрешергә ярҙам иткән  Космонавтика федерацияһының Башҡортостан бүлексәһенә рәхмәт белдерә.

Фото: А.ТИМЕРҒӘЛИЕВ.