Бәхетем бул

Бәхетем булып кил яныма,Ҡояшым бул йәшлек яҙыма.Юғалаһы булма, юғалтма,Минең барлығымды онотма.

Бәхетем булып кил яныма,
Ҡояшым бул йәшлек яҙыма.
Юғалаһы булма, юғалтма,
Минең барлығымды онотма.

Һөйләр һүҙең булһа, йәшермә,
Ҡарашыңды алма, йәшенмә,
Кәрәкһә, ҡыҫылмам эшеңә,
Тик инермен һәр саҡ төшөңә.
Йөрәгеңде, зинһар, бикләмә,
Ышанһаңсы икән үҙемә,
Алдағандыр, бәлки, башҡалар,
Ә минең эшем юҡ башҡала.

Күҙҙәреңдән наҙҙар һирпелһен,
Өләш бер күңелең йылыһын.
Шул мәлдә үҙең дә тойорһоң
Һөйөүҙең көслөһөн, татлыһын.

Лилиә ҠАҺАРМАНОВА, БДУ студенткаһы.
Өфө ҡалаһы.

1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы. Баш мөхәррире - Мирсәйет Ғүмәр улы Юнысов.

Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры – ПИ №ТУ02-01403.

Телефон

8 (347) 273-36-64, 8 (347) 272-83-85. 8 (347) 272-33-03

Электрон почта

yanshishma@yandex.ru

Адресы

450079, г. Уфа, ул. 50 летия Октября, 13, 8-й этаж