+12 °С
Ямғыр
Бөтә яңылыҡтар
Күңелдәрҙең иләҫ-миләҫ сағы
29 Апрель 2019, 10:39
Яратыумы был? Юҡ, мауығыу ғына...
«Бер егет менән дуҫлашып йөрөгәйнек. Ул хәҙер йыраҡта, ҡалала уҡып йөрөй. Үҙенә – 17 йәш. Уны бүтәндәрҙән ныҡ көнләшәм. Бер ҡасан да ташламайым, тигәйне. Кискеһен: «Нимә эшләйең?» – тип һорап яҙһам, яуабы: «Урамда йөрөйөм...» Бер үҙе түгел икән. Юля менән. Ул – яҡын дуҫым, ти. Бер ҙә егетемде улай йөрөткөм килмәй. Ни эшләргә икән? Мине тыңламай. Юля менән дуҫлашма, тиһәм, үпкәләп, үҙемде ташлап ҡуйырмы инде?» А., 16 йәш.
Һиңә шундай кәңәш. Үҫмер саҡта шулай ғашиҡ булаһың, дуҫлашып йөрөй башлаһаң, яратам, тип уйлайһың инде ул. Тәүге һөйөү хистәре килеп ишек ҡаҡҡан икән, ҡыуанырға ғына кәрәк. Әммә, яҙыуыңа ҡарағанда, һин егеткә үҙең башлап SMS-хәбәрҙәр ебәрәһең. Ярай әле яуап яҙа. Әгәр һиңә ҡарата хистәре булһа, ул үҙе белдерер, шылтыратыр ине, моғайын. Өҫтәүенә, Юля менән йөрөйөм, тип тураһын әйткән, ситләтеп кенә ҡыҙы барлығын белдерергә тырышҡан бит. Был егеттең һинең менән ваҡытлыса ғына мауығып, дуҫлашып йөрөгәнен аңларға кәрәктер. Ҡайғырма, юҡҡа эсең бошмаһын. Киләсәктә ысын мөхәббәтеңде мотлаҡ осратырһың. Ә әлегә был матур егет тураһында оноторға тырыш. Социаль селтәрҙә уның диуарына инеп, фотоларын ҡарап ултырма. Хистәрҙең онотолоу үҙенсәлеге бар ул, тик бер аҙ ваҡыт кәрәк. Иғтибарыңды күберәк уҡыуға бүл, яратҡан шөғөлдәрең менән бул, төрлө сараларҙа ҡатнаш. Бик ҡыйын булһа, серҙәреңде иң яҡын кешеңә һөйлә, кәңәшләш. Әгәр был турала бер кемгә лә белдермәҫкә теләһәң, Бөтә Рәсәй балалар ышаныс телефонына шылтырат: 8-800-2000-122. Һине тәжрибәле белгес тыңлап, кәңәштәрен әйтер. Ғорур бул, А. һылыу. Егеттәр үҙҙәре һинең иғтибарыңды яулап алырға тырышһын.
ГӨЛНИСА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж