+12 °С
Ямғыр
Бөтә яңылыҡтар
Күңелдәрҙең иләҫ-миләҫ сағы
6 Март 2020, 12:34
Сәскәйҙәрең толом-толом, уны нисек үрәһең?..
Һүрәттә сәстәрен матур итеп үреп, ете йондоҙҙай балҡып торған ҡыҙҙар – Әбйәлил районының Ҡаҙмаш мәктәбе һылыуҡайҙары. Улар конкурсҡа йәки матурлыҡ ярышына әҙерләнмәгән, ә көн һайын белем усағына шулай йөрөй.
Һуңғы ваҡытта йәш ҡыҙҙарҙың сәстәрен ялбырлатып, төрлө төҫтәргә буятып йөрөүенә күнегеп барабыҙ, буғай. Шулай булмаһа, Ҡаҙмаш мәктәбенә килеп ингәс тә, уҡыусы гүзәл заттарҙың барыһының да сәстәрен үреп, төрлө причёскалар эшләп йөрөүенә иғтибар итер инекме икән?! Юҡтыр, моғайын. Уҡытыусылар ҙа мәктәптә бер ҡыҙҙың да сәсен киҫтергәне йәки ялбырлап йөрөмәүе хаҡында белдергәс, һылыуҡайҙар менән осрашырға булдым. Барыһы ла килде улар: һәр береһе үҙ причёскаһын күрһәтте, сәс тәрбиәләү алымдары хаҡында бәйән итте. Шулай ҙа мин үҙ фотоаппаратыма сәстәрен ябай ҙа, матур ҙа итеп үреп килгән ете ҡыҙҙы һайлап алдым. Бына улар – Айсилә Ниғмәтуллина, Айгизә Ибраһимова, Шәмилә Фәттәхова, Тәнзилә Әхтәмова, Зөлфиә Хөснөтдинова, Сәриә Зәйнуллина һәм Заһиҙә Рәжәпова.
Ҡаҙмаш һылыуҙарының матур башланғысы, сәскәйҙәренең толом-толом булыуы, уны һәр көн иртән үреп килеүҙәре башҡа төбәктә йәшәүсе тиңдәштәренә лә өлгө булһын ине. Ҡатын-ҡыҙҙың бар матурлығы уның таҙа һәм тәрбиәле сәсендә икәнлеген күптәр белмәһә, Әбйәлил ҡыҙҙары, был хаҡта хәбәрҙарбыҙ, тип йылмайҙы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж