Ниндәйе юҡ улар араһында:
Ап-аҡ бәхет - ап-аҡ сәскәләрҙә,
Һағыныу һарыһы - һарыһында.
Алһыуында - тәүге үбешеүҙән
Тыйнаҡ ҡыҙҙан алһыуланған йөҙө;
Ҡыҙылында иһә - ярһыу хистәр,
Әйтерһең дә, ут-ялҡындың үҙе!
Зәңгәр сәскә - шатлыҡ ҡыңғырауы,
Ауаздары һөйөүҙең күгендә.
Өмөт, һағыш, көтөү - өс төҫ, өс хис
Миләүшәнең иһә бер үҙендә...
Тик һары гөл юҡ был гөлләмәлә,
Мөхәббәткә ят бит ундай төҫтәр,
Ҡара алдаҡ, ҡара хыянатҡа
Юл ирмәй ул сағыу, яҡты хистәр.
Р. ӘБҮТАЛИПОВА.
Фото:https://avatarko.ru/