Ҡанһыраған меҫкен йөрәкте?!
Һине көтөп тамам алйыны ул
Билдәһеҙлек менән йөҙәттең.
Бергә булһаҡ та беҙ бөтөн түгел,
Дөрләп янмай һөйөү усағы.
Ә минең бит килә ғүмер буйы
Мөхәббәтте иңләп осаһы.
Етемдәр ҙә шулай ғүмер буйы
Яңғыҙлығы менән көрәшә.
Етем мөхәббәттә кемдәр икән
Бәхет-шатлыҡ, наҙҙар өләшә?
Китәһең дә, кире киләһең шул
Яраларҙы ҡабат ҡуҙғытып.
Ниңә ошо сәйер мөхәббәтте
Мәңгелеккә булмай оҙатып?!
Ниңә булмай һине онотоп?!
Т. ИБРАҺИМОВА.
Фото:matrony.ru