Мөхәббәткә арбау кәрәкме?
Сихырланған йөрәк - йөрәкме,
Им-том аша бәхет килерме,
Ҡаты бәғер боҙҙай ирерме?
Яуап берәү: юҡ, был мөмкин түгел,
Һөйөү сыҡһын күңел түренән.
Шул саҡ хистәр бәхет тауҙарының
Илтер иң-иң бейек үренә.
Мөхәббәттең сихри тылсымынан
Нурланып та китер бар ғаләм.
Ал таңдарҙа һөйгәнеңдән елдәр
Килтерерҙәр һиңә күп сәләм.
Зарина БАҒЫШАЕВА.
Фото: pxhere.com