+9 °С
Болотло
TelegramVKOK
Бөтә яңылыҡтар

Балҡып янырмын мин яңынан!

Һин – алыҫта, сәләмеңде көтәм,

Балҡып янырмын мин яңынан!
Балҡып янырмын мин яңынан!

Һин – алыҫта, сәләмеңде көтәм,

Һәр бер атҡан таңдан ашҡынып.

Әгәр иңдә ҡанаттарым булһа,

Барып етер инем талпынып.

 

Ә һин, беләм, мине шул саҡтарҙа

Ҡаршыларһың йәйеп ҡосағың.

Ошо хаҡта уйлау – үҙе бәхет,

Һүрелмәһен һөйөү усағы!

 

Яратып та баҡҡан ҡараштарың,

Иркәләүең, наҙлы тауышың

Хәтеремдән һис кенә лә сыҡмай,

Мөхәббәтем – ҡайнар һулышым.

 

Һөйөүөбеҙ һынау үтә төҫлө,

Ҡайтып етерһең һин яныма.

Шул саҡтарҙа иң бәхетле булып,

Балҡып янырмын мин яңынан!


АЛТЫНАЙ.

Фото: salonfifi.ru

Автор:Юлиә Кирәева
Читайте нас: