+27 °С
Облачно
Көләмәстәр
15 Декабря 2021, 12:15
Мин шул тиклем ҡурҡам
Балалар баҡсаһында ике малай һөйләшә:
Мин шул тиклем ҡурҡам
- Мин шул тиклем ҡурҡам, - ти береһе.
- Нимәнән?
- Атайым яңы машина алғас, иҫкеһен һатты.
- Һатһа һуң?
- Ә хәҙер әсәйем "яңы малай" алып ҡайтырға уйлай..
****
- Атай, һин тағы үҫәсәкһеңме?
- Юҡ инде, улым.
- Ниңә, улайһа, ашайһың?
****
Уҡытыусы Гөлназға "бишле" ҡуйған. Көндәлеген килтереүен һорағас, ҡыҙ:
- Өйҙә ҡалдырҙым, - тип яуаплаған.
Күршеһендә ултырған Рәмил:
- Минекен ал, - тип шыбырлай, ти.
****
Бәләкәй Азат түшәм буяған атаһының эшен күҙәтә. Әсәһе уға:
- Улым, атайыңа ҡарап, эшләргә өйрән. Үҫкәс, ярҙам итерһең, - тигән.
Азат, аптырап:
- Ул ваҡытҡа тиклем атайым буяп бөтмәҫме икән ни? - ти икән.
Фото: rtp-news.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
