– Һиңә Ҡыш бабай килеүен теләйһеңме?
– Юҡ, уға шиғыр һөйләргә кәрәк.
– Улайһа Ҡарһылыу килеүен?
– Ул йырларға ҡушасаҡ.
– Ҡалай ҡыҙыҡ, ә нимә теләйһең һуң?
– Ҡыш бабай бүләктәрен боландарына ғына тейәп ебәрһен ине.
*****
Башҡорт теле уҡытыусыһы:
– «Мин йыйыштырам, һин йыйыштыраһың, ул йыйыштыра». Ниндәй заман була?
Уҡыусы:
– Моғайын, Яңы йыл алдылыр…
*****
31 декабрь. Азат телефондан шылтырата:
– Алло, «Тиҙ ярҙам»мы? Тиҙерәк килегеҙ. Атайым аҡылдан яҙған. Ҡыҙыл халат, быйма кейеп алған да бөтәһенә лә: «Мин – Ҡыш бабай», – тип йөрөй.