-6 °С
Болотло
Бөтә яңылыҡтар
Күренекле шәхестәр
26 Февраль 2021, 11:52
Сафуан Әлибаевтың шиғри мөғжизәһе
Күренекле шағир, "Йәншишмә" гәзитенең 1978 - 1986 йылдарҙағы баш мөхәррире Сафуан ӘЛИБАЕВтың тыуыуына - 80 йыл Күренекле башҡорт шағиры һәм журналисы, Башҡортостан комсомолының Ғәлимов Сәләм, республикабыҙҙың балалар һәм үҫмерҙәр өсөн әҙәбиәт өлкәһендә Һәҙиә Дәүләтшина исемендәге дәүләт премиялары лауреаты, Ханс Кристиан Андерсен исемендәге халыҡ-ара маҡтаулы диплом эйәһе, БАССР-ҙың атҡаҙанған сәнғәт эшмәкәре, Салауат Юлаев ордены кавалеры Сафуан Әлибаевтың шиғриәте кешеләрҙе үҙенең яҡты таңдары менән арбай, иркен киңлектәренә әйҙәй, бейек күктәренә күтәрә. Бында һауаларға үрләп, моңсол ҡоштар һайрай, баш әйләндереп, сәскә еҫе аңҡый, бында кеше бәхетле йәшәй, сабыйҙар уйнай, ҡыҙҙар көлә, шат йырҙар тынмай.
Ошондай саф күңелле шағирыбыҙ Сафуан Әфтәх улы 21 февраль көнө үҙенең 80 йәшлек юбилейын билдәләр ине. Ҡыҙғанысҡа ҡаршы, ул 2014 йылда беҙҙең арабыҙҙан китап барҙы. Уның һоҡланғыс шиғырҙарын кесеһе лә, олоһо ла бик яратып уҡый. Тимәк, шағир исеме лә һәр ваҡыт халыҡ күңелендә ҡаласаҡ.
Уның тормошо һәм ижад юлы, китапханабыҙҙа булған китаптары менән таныштырыу маҡсатында 25-се башҡорт балалар баҡсаһының «Йәйғор» һәм «Еләккәй» төркөмдәрендә матур саралар булып үтте. Китапхана библиографы Әлфиә Закир ҡыҙы Зәбирова «Йәйғор» төркөмө тәрбиәләнеүселәрен «Сафуан Әлибаевтың шиғри мөғжизәһе» исемле шиғри-әҙәби ҡунаҡ бүлмәһенә саҡырҙы. Балалар бында уның биографияһы, яҙыусының «Балалар өсөн» һәм «Беҙҙең юлдаш – яҡты ҡояш» исемле китап йыйынтыҡтары менән яҡындан танышып, шиғырҙарын, әкиәттәрен тыңланы, йомаҡтар систе. «Ни өсөн ҡаҙҙар һыңар аяҡлы булған?», «Бесәй бесән ашаймы?», «Нимә ул әбейҙәр сыуағы?» кеүек ҡыҙыҡлы һорауҙарға яуаптар эҙләнеләр.
Ә «Еләккәй» төркөмө тәрбиәләнеүселәре китапханасы Зилә Йәғәфәр Теләмбитова әҙерләгән «Шағир-йырсы» тип аталған әҙәби-шиғри кисәлә бик әүҙем ҡатнашты. Унда кескәйҙәр «Серле шишмә» исемле китап биттәре буйлап сәйәхәттә булды, шиғырҙар ҙа тыңланы, йомаҡтар ҙа ҡойолдо. Бәләкәс дуҫтарыбыҙҙы «Аҡбуҙат» журналында сыҡҡан шиғырҙар менән дә таныштырҙыҡ. Халыҡ араһында таралған күп йырҙарҙың авторы ине ул, шуға ла был кисәне Сафуан Әлибаевтың «Гелән үҙенсә һөйләй» йыры менән тамамланыҡ.
Кескәйҙәргә үткәрелгән кисәләр бик оҡшаны, тағы ла үҙҙәренә саҡырып ҡалдылар.
Флүрә ШАКИРОВА, китапхана етәксеһе.
Белорет ҡалаһы, Дауыт Юлтый исемендәге китапхана.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж