-6 °С
Болотло
Бөтә яңылыҡтар
Күргәҙмәләр
27 Сентябрь 2019, 15:03
Баҡсабыҙ гөрләп торҙо
Уңышҡа, төрлө сағыу төҫтәргә бай көҙ ҙә килеп етте. Был миҙгелде күңелле, йыр-бейеүгә ҡоролған йәрминкәләрҙән башҡа күҙ алдына ла килтереүе ҡыйын.
Киров районынының 51-се башҡорт балалар баҡсаһында ла был байрам йыл да үткәрелеп килә, изге йолаға әйләнде, тип әйтергә мөмкин. Аҡса эшләү сараһы ғына түгел, ә ата-әсә менән бала, белем биреү учреждениеһы менән ғаиләнең берҙәм эшмәкәрлеге лә булып тора ул.
Бына түҙемһеҙләнеп көткән байрам башланып китте. Дәртле көйҙәр яңғырап, баҡса алды шау-гөр килде. Халыҡ күп йыйылғайны. Кемдер тәмлекәстәр бешереп алып килгән, ә икенселәре ҡайнатма, емеш-еләк, тоҙло бәшмәк тәҡдим итә. Өҫтәлдәр һый-ниғмәттән һығылып тора ине: ҡыҙҙырылған көнбағыш, татлы бал, сәксәк, бәлештәр, әллә күпме ҡул эштәре...
Күптәр үҙен ысын сауҙәгәр итеп тойоп, ихлас күңелдән һатыу итте. Берәүҙәр тәмлекәстәр ашап кинәнде. Эргәлә генә балалар өсөн күңелле уйындар, ярыштар ойошторолдо. Кескәйҙәр яратҡан әкиәт геройҙары менән уйнаны ла, көлдө лә, йырҙар йырлап, бейеп, күңел асты. Теләгән һәр кем баҡса алдындағы майҙанда Көҙһылыу менән иҫтәлеккә фотоға төштө. Шулай уҡ ата-әсәләргә улдарын, ҡыҙҙарын төрлө түңәрәктәргә яҙҙырыу мөмкинлеге лә бар ине.
Ғөмүмән, бәләкәй генә балаларҙан алып өләсәй-олатайҙарға тиклем әүҙем ҡатнашҡан был сара бик файҙалы һәм күңелле үтте. Кескәйҙәрҙең шат тауыштарынан, йыр-бейеүҙәренән баҡсабыҙ гөрләп торҙо. Буш ҡул менән ҡайтҡан бер генә кеше лә булмағандыр. Һәр кем байрамдан шат кәйеф, күтәренке күңел менән, рәхмәт әйтеп таралышты.
Әлмира ҒҮМӘРОВА, өлкән тәрбиәсе.
Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж