-6 °С
Болотло
Бөтә яңылыҡтар
Күргәҙмәләр
17 Декабрь 2020, 17:02
Күргәҙмә тарих менән таныштырыуын дауам итә
Башҡортостандың Архив эштәре буйынса идаралығы һәм Милли архивы әҙерләгән күсмә күргәҙмә 16 декабрҙә "Ҡунаҡһарай" сауҙа комплексынан "Башҡортостан" лафстайл үҙәгенә күсерелде. "Башархив"http://basharchiv.ru проекты тураһында ишеткәнегеҙ барҙыр, моғайын.
Унда тәҡдим ителгән төрлө йылдарҙағы халыҡ иҫәбен алыу документтары ата-бабаларыбыҙ тураһында мәғлүмәт алыу мөмкинлеген бирә. 1917 йылғы ауыл хужалығы иҫәбен алыу яҙмалары Өфө губернаһының биш өйәҙе - Бәләбәй, Бөрө, Златоуст, Стәрлетамаҡ, Өфө - буйынса һаҡланған. Әлшәй, Асҡын, Архангел, Ауырғазы, Баҡалы, Балтас, Бәләбәй, Балаҡатай, Бөрө, Благовещен, Бишбүләк, Бүздәк, Борай, Ғафури, Дәүләкән, Дыуан, Дүртөйлө, Йәрмәкәй, Иглин, Илеш, Ишембай, Ҡалтасы, Ҡариҙел, Ҡырмыҫҡалы, Ҡыйғы, Краснокама, Кушнаренко, Мәләүез, Мәсетле, Мишкә, Миәкә, Нуриман, Салауат, Стәрлебаш, Стәрлетамаҡ, Тәтешле, Туймазы, Өфө, Фёдоровка, Саҡмағош, Шишмә, Шаран, Яңауыл райондары буйынса документтар менән танышырға мөмкин. Унда һәр ихатаның, йәғни ғаиләнең ғаилә хәле, туған теле, мал-тыуары, ере тураһында теркәп ҡуйғандар. Ҡыҙыҡ бит?! Тик республиканың көньяҡ-көнсығышына ҡараған райондар тураһында документтар юҡ, сөнки ул ваҡытта Ырымбур губернаһына ингәндәр.
Күргәҙмәлә элекке метрика кенәгәләре, рәүиз әкиәттәре менән танышырға мөмкин. Стендтарҙа, сенсорлы өҫтәлдә урынлаштырылған материалдарҙы нисек ҡарарға ирекмәндәр ярҙам итә.
Сауҙа үҙәктәренә юл төшмәйме? Улайһа, интернет аша http://basharchiv.ru сайтына инеп, үҙегеҙ ҙә архив документтарын таба алаһығыҙ. Тарихты өйрәнеп, үҙебеҙҙең ата-бабаларыбыҙ тураһында мәғлүмәттәр табып, шәжәрә лә төҙөргә мөмкин.
Фото: infourok.ru
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж