+18 °С
Болотло
TelegramVKOK
Бөтә яңылыҡтар
Күргәҙмәләр
20 Сентябрь 2023, 16:00

Кинйә Арыҫлановҡа арналған күргәҙмә асыласаҡ

22 сентябрҙә 15:00 сәғәттә Өфөлә Башҡортостан Республикаһы Милли музейы һәм Милли архивы бергә ойошторған “Кинйә Арыҫланов. Образ һәм легенда” күргәҙмәһе асыла.

Кинйә Арыҫлановҡа арналған күргәҙмә асыласаҡ
Кинйә Арыҫлановҡа арналған күргәҙмә асыласаҡ

Ул башҡорт халҡының милли геройы, рухи лидеры, хәрби етәксе, Емельян Пугачевтың көрәшсеһе, Кинйәбыҙ ауылына нигеҙ һалыусы Кинйә Арыҫлановтың тыуыуына 300 йыл тулыуға арнала.

Күргәҙмәнең ниәте – тарихи сығанаҡтар һәм заманса сәнғәт әҫәрҙәре аша Кинйә Арыҫлановтың күп яҡлы шәхесен асыу. Ҡунаҡтар батырҙың шәжәрәһе менән таныша ала. Ул саҡтағы тирмәләрҙең традицион биҙәлешен, хөкүмәт ғәскәрҙәренең ҡоралланыуын һәм Пугачев хәрәкәтендә ҡатнашыусыларҙың ҡоралын күрергә була. Уникаль экспонаттар араһында шулай уҡ хаттар, манифестар, Арыҫлановтар нәҫеленең күренекле вариҫтары тураһында материалдар бар.

Күргәҙмә 1 ноябргә тиклем эшләй. (0+)

Автор:Лилиә Фазлетдинова
Читайте нас: