Күргәҙмәгә рәхим итегеҙ!

«Бөгөн клубта кәнсирт була» күргәҙмәһен ҡарарға саҡырабыҙ! Шул уҡ кис «Мечты» клубында уны асыуға арналған концерт уҙғарыла, шулай уҡ башҡорт эстрадаһының легендалары һәм яңы башҡарыусылар сығыш яһаясаҡ.

Был проект  башҡорт эстрадаһын Башҡортостанда һәм унан ситтә йәшәгән кешеләрҙең тормош тәжрибәһенең айырылғыһыҙ бер өлөшө итеп күрһәтелә. Күргәҙмә ZAMAN хәҙерге заман сәнғәте музейы тәҡдиме менән рәссамдар Таңсулпан Бураҡаева һәм Зилиә Ҡансура тарафынан башҡарылған нәфис тикшеренеүҙәр һөҙөмтәһендә төҙөлгән. Башҡорт эстрадаһын белмәйбеҙ, тип уйлаһағыҙ йәки башҡорт телен аңламауҙан ҡурҡһағыҙ, проекттың күмәк программаһына ҡушылығыҙ.

Бында  бергәләп йырҙар тыңлаясаҡбыҙ, йырлайбыҙ һәм бейейбеҙ, кисерештәр менән бүлешәбеҙ, ҡурайҙар эшләйбеҙ һәм башҡорт телен өйрәнәсәкбеҙ. Әйҙәгеҙ, килегеҙ,дуҫтар!

Күргәҙмә ваҡыты: 17 декабрь 2024 — 16 февраль 2025( 0+)

Урыны: ZAMAN MUSEUM, Мостай Кәрим урамы, 6, корпус 1

Инеү бушлай.