Бер юлы – ике музейҙа

Балалар ата-әсәләре, өләсәй-олатай­ҙары һөйләүҙәре буйынса ғына белгән, тотош бер тарихты сағылдырған экспонаттарҙы ҙур ҡыҙыҡһыныу менән ҡараны. Совет осоронда кешеләр­ҙең тормошо һәм хеҙмәте, Аҡъяр совхозының үҫеше хаҡында бәйән иткән иҫке көнкүреш әйберҙәре, фотоһүрәттәр, документтар – барыһы ла ҡыҙыҡ ине уларға. Һорауҙар бирҙеләр, күргәндәрен хәҙерге заман һәм оло быуындан ишеткәндәре менән сағыштыр­ҙылар.
Күргәҙмәләрҙе ойоштороусылар – Әсхәт Геннадьевич Семёнов һәм Рәйлә Сәлим ҡыҙы Юламанова айырыуса һоҡландыра. Уларҙың хеҙмәте тарихи хәтерҙе һаҡлауҙа һәм үҫеп килгән быуында илһөйәрлек тәрбиәләүҙә баһалап бөткөһөҙ.
Экскурсия мауыҡтыр­ғыс ял ғына түгел, йәш журналистарыбыҙ өсөн тарих һәм тыу­ған яҡты өйрәнеү дәресе лә булды.

Гөлназ ИБРАҺИМОВА.
Хәйбулла районы.