+15 °С
Болотло
Бөтә яңылыҡтар
Көслөләр, ҡыйыуҙар, етеҙҙәр
23 Март 2018, 16:32
Әйҙә сығайыҡ, саңғы шыуайыҡ!
Сибай интернат-гимназияһының саңғысылары өсөн быйылғы ҡыш уңышлы ғына уҙҙы. Ҡала кимәлендә беренселекте яулағас, уларға Межгорьела үтәсәк ярышта ҡатнашыу мөмкинлеге бирелде. Бында ла һынатманылар – пьедесталдың III баҫҡысына күтәрелделәр.
Сибай интернат-гимназияһының саңғысылары өсөн быйылғы ҡыш уңышлы ғына уҙҙы. Ҡала кимәлендә беренселекте яулағас, уларға Межгорьела үтәсәк ярышта ҡатнашыу мөмкинлеге бирелде. Бында ла һынатманылар – пьедесталдың III баҫҡысына күтәрелделәр.
Ҡыш бауыры оҙон, тиҙәр. Бигерәк тә Урал аръяғы райондарында ноябрь баштарында уҡ ҡар яуа ла март аҙаҡтарына тиклем ята. Ә был иһә саңғысылар өсөн бик ҡулай. Әле лә яҙ һулышы тойолоуға ҡарамаҫтан, уҡыусылар буш ваҡыттарында саңғыла елеүҙе хуп күрә.
– Бының файҙаһы ҙур, – ти физкультура уҡытыусыһы Хөрмәт Таһиров. – Спорттың был төрө менән шөғөлләнеүселәрҙең кәүҙәһе һәр саҡ формала була. Шулай уҡ саңғы шыуыу – тын юлдары өсөн дә файҙалы. Аяҡ һәм ҡулдар ҙа көслө була.
Интернат-гимназияла бөтәһе ике тиҫтәнән ашыу уҡыусы саңғы менән теләп шөғөлләнә. Уның базаһы ла йылдан-йыл яңы кәрәк-яраҡтар менән тулыланып тора.
Елдәй етеҙ елгән спортсылар менән әңгәмәләшеп тә алдыҡ.
– Бының файҙаһы ҙур, – ти физкультура уҡытыусыһы Хөрмәт Таһиров. – Спорттың был төрө менән шөғөлләнеүселәрҙең кәүҙәһе һәр саҡ формала була. Шулай уҡ саңғы шыуыу – тын юлдары өсөн дә файҙалы. Аяҡ һәм ҡулдар ҙа көслө була.
Интернат-гимназияла бөтәһе ике тиҫтәнән ашыу уҡыусы саңғы менән теләп шөғөлләнә. Уның базаһы ла йылдан-йыл яңы кәрәк-яраҡтар менән тулыланып тора.
Елдәй етеҙ елгән спортсылар менән әңгәмәләшеп тә алдыҡ.
Игеҙәктәр Динир менән Данир Ишкилдиндәр:
– I синыфта уҡығанда саңғыға баҫҡайныҡ. Хәҙер оҫтарҙыҡ инде. Ғаиләбеҙ менән спорт яратабыҙ. Атайыбыҙ еңел атлетика, бокс менән шөғөлләнә. Әсәйебеҙ – саңғысы. Яңыраҡ бер ярышта III урын яулағайны. Ҡустыбыҙ Камал да ҡалышмай.
Линара Ҡолмөхәмәтова, VII синыф уҡыусыһы:
– Белем усағыбыҙҙа күп түңәрәктәр эшләй. Мин саңғынан тыш, бейеү, ҡурай, туризм түңәрәктәренә йөрөйөм. Былтыр ғына шөғөлләнә башлаһам да, яңыраҡ призлы урын яулауға өлгәштем.
Саңғысыларҙан төбәк-ара ярыш хаҡында ла һорашам.
– Беҙ, башлыса, тигеҙ ерҙә йөрөп өйрәнгәнгәме, таулы урында ауырыраҡ булды. Әммә юғалып ҡалманыҡ, бар көсөбөҙҙө һалып, алға ынтылдыҡ, – тип яуап бирҙе улар бер тауыштан.
Малай-ҡыҙҙарға: «Афарин!» – тип әйтергә генә ҡала. Шулай булмай, спорт кешелә ихтыяр көсө, ныҡышмалылыҡ һәм ҡыйыулыҡ тәрбиәләй икән, тимәк, үҫеп килеүсе быуында өмөт бар!
Гүзәлиә ВАХИТОВА, «Ҡаурый ҡәләм» түңәрәге ағзаһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж