+12 °С
Ямғыр
Бөтә яңылыҡтар
Көслөләр, ҡыйыуҙар, етеҙҙәр
13 Апрель 2018, 15:28
«Спортһыҙ – донъя йәмһеҙ!» – ти Динислам Хөсәйенов
Гимназиябыҙҙа көслө спортсылар байтаҡ ҡына. Шуларҙың береһе – Х «Б» синыфы уҡыусыһы Динислам Хөсәйенов. Ул туғыҙ йәшенән спортҡа ғашиҡ. «Динамо» стадионына футбол секцияһына йөрөй, баскетбол менән дә шөғөлләнә. Фотоһы «Гимназиябыҙҙың иң шәп спортсылары» тигән таҡтала эленеп тора.
Гимназиябыҙҙа көслө спортсылар байтаҡ ҡына. Шуларҙың береһе – Х «Б» синыфы уҡыусыһы Динислам Хөсәйенов. Ул туғыҙ йәшенән спортҡа ғашиҡ. «Динамо» стадионына футбол секцияһына йөрөй, баскетбол менән дә шөғөлләнә. Фотоһы «Гимназиябыҙҙың иң шәп спортсылары» тигән таҡтала эленеп тора.
– Һинең спорттағы иң ҙур ҡаҙанышың? – тип ҡыҙыҡһынам унан.
– Баскетбол буйынса ҡала беренселегендә беренсе урын яулау инде. Стәрлетамаҡҡа ярышҡа барырға тейеш инек, ләкин көтөлмәгән эштәр килеп сыҡты ла унда икенсе урын яулаған команда китте.
– Баскетбол буйынса ҡала беренселегендә беренсе урын яулау инде. Стәрлетамаҡҡа ярышҡа барырға тейеш инек, ләкин көтөлмәгән эштәр килеп сыҡты ла унда икенсе урын яулаған команда китте.
– Ә спорттан башҡа тағы ла нимәләр менән ҡыҙыҡһынаһың?
– «Алтынай» студияһында шөғөлләндем. Ҡалабыҙҙың төрлө театр сәхнәләрендә сығыш яһаным.
– Иң яратҡан дәрестәрең?
– Әҙәбиәт, тарих фәндәре оҡшай. Ә иң яратҡан дәресем – физкультура! Минең девиз: «Сәләмәт тәндә – сәләмәт рух!»
– Яратҡан уҡытыусың да барҙыр әле?
– Физкультура уҡытыусыһы Вәзих Минвәғиз улы Әфләтүнов, әлбиттә.
– Төрлө ярыштарҙа ҡатнашып, дәрестәрҙе лә ҡалдырырға тура киләлер, моғайын. Уҡытыусылар быға нисек ҡарай?
– Әҙерәк эләгә инде. Ни эшләйем, спортты ныҡ яратам бит. Ике юлдың береһен һайларға тура килә. Әлбиттә, спорт менән мауығыу уҡыуға ҡамасауламаҫҡа тейеш. Быны аңлайым. Дәрестәргә әҙерләнеп йөрөһәң, уҡытыусылар бер ни ҙә әйтмәй.
– Ғаиләгеҙ менән дә таныштырып кит әле…
– Ғаиләбеҙҙә дүрт кеше: атайым, әсәйем, Айҙар ағайым һәм мин. Ағайыма – 22 йәш. Уны музыка ҡыҙыҡһындыра. Үҙе йырҙар ҙа ижад итә, шиғырҙар яҙа.
– Артабан мәктәпте тамамлағас, ниндәй юлдан китергә уйлайһың?
– Эске эштәр министрлығының юғары уҡыу йортона уҡырға инергә ине. Һуңынан оперативник һөнәрен үҙләштерергә теләйем.
– Дуҫтарың тураһында ла һөйлә әле. Ғөмүмән, һиңә ниндәй кешеләр оҡшай?
– Дуҫтарымдың барыһы ла спортсылар тиерлек. Кемдәрҙер фитнес-клубҡа йөрөй, икенселәре бокс йәки минең кеүек футбол, ә ҡайһы берҙәре профессиональ көрәш менән шөғөлләнә. Тоғро, ышаныслы, ярҙамсыл кешеләр оҡшай.
Бына шундай егет инде беҙҙең Динислам. Гимназия ғорурлығы ла. Дуҫтары уның тураһында: «Мәрхәмәтле, намыҫлы, ҡыйыу, ярҙамсыл, иптәштәрен бер ҡасан да рәнйетергә бирмәй, үҙе лә үпкә һүҙҙәр әйтмәй. Тәүәккәл, сабыр егет», – тиҙәр.
Динислам, артабан да шулай тырыш, ҡыйыу егет булып ҡал! Һинең кеүектәрҙә инде илебеҙҙең өмөтө, киләсәге. Тормош юлында тик уңыштар ғына юлдаш булһын, үҙ бәхетеңде табырға яҙһын!
Руфина ЛОҠМАНОВА, VII синыф уҡыусыһы.
Өфө ҡалаһы, Фатима Мостафина исемендәге 20-се башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж