+16 °С
Болотло
TelegramVKOK
Бөтә яңылыҡтар

Урал аръяғында шашкасылар күбәйә

Бөрйән районы үҙәге үҙәге Иҫке Собханғолда урыҫ шашкаһы буйынса 14 йәшкә тиклемге балалар араһында Урал аръяғы кубогының VI сезонының II этабы үтте. Турнирҙа Бөрйән һәм Баймаҡ райондарынан, Баймаҡ, Сибай ҡалаларынан 45 йәш шахматсы ҡатнашты. Еңеүселәр 8, 10, 14 йәшкә тиклемге ҡыҙҙар һәм малайҙар араһында билдәләнде.

Әйткәндәй, әлеге шашка ярышында ҡатнашыусыларҙың ундан ашыуы үҙҙәрен Башҡортостан беренселегендә һынап ҡараған да инде. Ә дүртәүһе ауыл мәктәптәре уҡыусылары араһында Рәсәй беренселегендә, республика ярыштарында призлы урындар алған. Финал 2019 йылдың апрелендә буласаҡ һәм унда быйылғы уҡыу йылының иң көслө шашкасылары билдәләнәсәк.
Читайте нас: