-4 °С
Ҡар
Бөтә яңылыҡтар
Көслөләр, ҡыйыуҙар, етеҙҙәр
1 Февраль 2019, 13:47
Йәш биатлонсылар ҡайҙа үҫә? Шамонинда!
Ике тапҡыр Ҡышҡы олимпия уйындары чемпионкаһы Анна Богалий тураһында күптәрҙең ишеткәне барҙыр. Ул 2006 йылда Италияның Турин ҡалаһында, 2010 йылда Канаданың Ванкуверында биатлон буйынса алтын миҙал яулап, көйәрмәндәрҙе һөйөндөргәйне. Профессиональ спортты күптән ҡалдырһа ла, ҡул ҡаушырып тик ятмай. Мәктәп йәшендәге балалар өсөн Рәсәй кимәлендә «Анна Богалий Кубогы – Skimir» исеме менән биатлон ярыштарын ойоштороп ебәргән. 2016 йылдан уҙғарылып килә был ярыш. Донъя кимәлендәгеләрҙән һис тә ҡалышмай ул!
Шамонин спортсылары Анна Богалий менән (уңда).
Был бәйгенең беренсе этабы, мәҫәлән, Новосибирск ҡалаһында уҙған йылдың декабрь айында үткәрелһә, икенсеһе яңыраҡ үҙебеҙҙең Яңы Абҙаҡ ауылы янындағы биатлон трассаһында булды. Белорет районындағы ярыштарҙа Рәсәйҙең 19 төбәгенән 350 йәш биатлонсы ҡатнашты. Ә Башҡортостан вәкилдәре иң күптәре ине. Шулар араһынан Өфө районы Шамонин ауылының 5 спортсыһына ла биатлонда үҙен һынап ҡарау бәхете тейҙе.
– Бындай ҙур бәйгелә тәүгә ҡатнашабыҙ. Аҙ ғына тулҡынландыра ла. Шулай ҙа беҙ әҙер, күнекмәләргә бушҡа ғына йөрөмәйбеҙ бит. Турнирға «Фишер», «Россигнол» саңғыларын алып килдек. Уларҙы майланыҡ. Иң шәп саңғылар, әлбиттә, «Фишер». Улар ҡар өҫтөнән шыуғанда тауыштары ла сыҡмай, – ти шамониндар.
Яңы Абҙаҡта спринтта, шәхси беренселектә һәм эстафетала көс һынашты йәш биатлонсылар. Мәҫәлән, 12 – 13 йәшлектәр төркөмөндәгеләр беренсе төр ярышта 3,6 саҡрымға саңғыларҙа уҙышып, ятҡан килеш ике тапҡыр мылтыҡтан сәптәргә атырға тейеш ине. Эләктерә алмаһа – 75 метрлыҡ өҫтәмә штраф түңәрәге үтергә кәрәк. Көндәрҙең ҡарлы-буранлы булыуына ҡарамаҫтан, саңғы спорты буйынса тренер Айгөл Әүхәт ҡыҙы Хәкимова һәм йәйге биатлон буйынса донъя чемпионкаһы Евгения Юрьевна Ярушина тәрбиәләнеүселәре йөҙгә ҡыҙыллыҡ килтермәне.
Арыҫлан Әхмәҙиев, Данияр Хәйретдинов, Руслан Кәримов, Линар Хәзиәхмәтов, Илнар Хәкимовтар һәйбәт кенә уңыштарға иреште. Руслан, мәҫәлән, шәхси беренселектә 70-тән ашыу уҙышсы араһында алтынсы килеп, сәскәләр тапшырыу тантанаһына эләкһә, Линар Хәзиәхмәтов һуңғы ярышта – ҡатнаш эстафетала бронза миҙал алып һөйөндө. Шулай уҡ Фатима Мостафина исемендәге 20-се башҡорт гимназияһы уҡыусыһы Илназ Рәхмәтов та эстафетала финиш һыҙығында өсөнсө ваҡытты күрһәтте.
Яңы Абҙаҡта спринтта, шәхси беренселектә һәм эстафетала көс һынашты йәш биатлонсылар. Мәҫәлән, 12 – 13 йәшлектәр төркөмөндәгеләр беренсе төр ярышта 3,6 саҡрымға саңғыларҙа уҙышып, ятҡан килеш ике тапҡыр мылтыҡтан сәптәргә атырға тейеш ине. Эләктерә алмаһа – 75 метрлыҡ өҫтәмә штраф түңәрәге үтергә кәрәк. Көндәрҙең ҡарлы-буранлы булыуына ҡарамаҫтан, саңғы спорты буйынса тренер Айгөл Әүхәт ҡыҙы Хәкимова һәм йәйге биатлон буйынса донъя чемпионкаһы Евгения Юрьевна Ярушина тәрбиәләнеүселәре йөҙгә ҡыҙыллыҡ килтермәне.
Арыҫлан Әхмәҙиев, Данияр Хәйретдинов, Руслан Кәримов, Линар Хәзиәхмәтов, Илнар Хәкимовтар һәйбәт кенә уңыштарға иреште. Руслан, мәҫәлән, шәхси беренселектә 70-тән ашыу уҙышсы араһында алтынсы килеп, сәскәләр тапшырыу тантанаһына эләкһә, Линар Хәзиәхмәтов һуңғы ярышта – ҡатнаш эстафетала бронза миҙал алып һөйөндө. Шулай уҡ Фатима Мостафина исемендәге 20-се башҡорт гимназияһы уҡыусыһы Илназ Рәхмәтов та эстафетала финиш һыҙығында өсөнсө ваҡытты күрһәтте.
– Саңғыла йөрөү буйынса малайҙарыбыҙҙың тиҙлектәре шәп. Ә бына мылтыҡтан атыуҙы аҙыраҡ яйға һалыу талап ителә. Бының өсөн Өфөләге «Биатлон» спорт комплексына күнекмәләргә йышыраҡ йөрөргә тырышасаҡбыҙ. Биатлон буйынса тренерыбыҙ Евгения Юрьевна һәр саҡ ярҙам итергә әҙер, беҙҙең малайҙар бөгөндән уның етәкселегендә шөғөлләнә, – ти Айгөл Әүхәт ҡыҙы.
Бер аҙнаға яҡын барған «Анна Богалий Кубогы»ның беҙҙәге этабы тамам. Малайҙар, ҡыҙҙар ярыштарҙа ҡатнашып ҡына ҡалманы, спорт йондоҙонан автографтар, бүләктәр алып ҡыуанды. Ҙур тәжрибә тупланы. Яңы дуҫтар тапты.
Йәш биатлонсылар турнирының артабанғы этаптары февраль аҙаҡтарында – Сахалин, мартта – Токсов, апрелдә Мурманск ҡалаларында уҙғарыласаҡ. Малайҙарҙың бында ла ҡатнашыу теләктәре ҙур, тик мөмкинлектәр генә сикле. Кем белә, бәлки, берәй бағымсы ла табылыр? Киләсәктә Шамонин спортсылары араһынан да Шипулиндар, Бабиковтар, Логиновтар үҫеп етер әле.
Бер аҙнаға яҡын барған «Анна Богалий Кубогы»ның беҙҙәге этабы тамам. Малайҙар, ҡыҙҙар ярыштарҙа ҡатнашып ҡына ҡалманы, спорт йондоҙонан автографтар, бүләктәр алып ҡыуанды. Ҙур тәжрибә тупланы. Яңы дуҫтар тапты.
Йәш биатлонсылар турнирының артабанғы этаптары февраль аҙаҡтарында – Сахалин, мартта – Токсов, апрелдә Мурманск ҡалаларында уҙғарыласаҡ. Малайҙарҙың бында ла ҡатнашыу теләктәре ҙур, тик мөмкинлектәр генә сикле. Кем белә, бәлки, берәй бағымсы ла табылыр? Киләсәктә Шамонин спортсылары араһынан да Шипулиндар, Бабиковтар, Логиновтар үҫеп етер әле.
Булат ХӘЙРЕТДИНОВ.
Өфө районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж