Бөтә яңылыҡтар

Батырҙар бил бирмәй

Татарстандың Түбәнге Кама ҡалаһында ирекле көрәш буйынса VII Бөтә Рәсәй асыҡ турниры уҙҙы.

Унда Екатеринбург, Мәскәү, Иваново, Пермь, Ырымбур, Һамар, Нижневартовск, Ульяновск, Сыктывкар ҡалалары, Башҡортастан, Татарстан, Ҡабарҙы-Балҡар, Чечен, Дағстан, Сыуаш Республикалары, Ханты-Мансы округынан һәм Ҡазағстандан йәш спортсылар командалары ҡатнашты. Бәйгелә беҙҙең республика намыҫын яҡлаған Өфөләге 14-се спорт мәктәбе тәрбиәләнеүселәре ҙур уңышҡа өлгәште. 60 килограмдан юғарыраҡ ауырлыҡ үлсәмендә Салауат Шафиҡов – алтын, Даниил Левин – көмөш, 47 килограмдан юғарыраҡ ауырлыҡ үлсәмендә Ваня Перцов көмөш миҙал яуланы. Йәш батырҙарҙы һәм уларҙың тренеры Артур Ишмаковты еңеүҙәре менән ҡотлайбыҙ.