+12 °С
Ямғыр
Бөтә яңылыҡтар
Көслөләр, ҡыйыуҙар, етеҙҙәр
24 Ғинуар 2020, 15:13
Спортсы ғаиләләр ҡайҙан?
Ҡышҡы каникул ваҡытында «Берҙәм Рәсәй» партияһының «Сәләмәт быуын – көслө төбәк» проекты сиктәрендә «Яңы йыл ғаилә уйындары – 2020» фестивале ойошторолғайны. 3 – 6 ғинуарҙа муниципаль этапта 1 мең 241 белем усағында уҙған ярыштарҙа барлығы 300 мең кеше ҡатнашты.
Ә финалға сыҡҡан 69 команда 18 ғинуарҙа Өфөләге «Динамо» стадионында көс һынашты. Улар ике төркөмдә иң-иңдәрҙе асыҡланы: райондарҙан – балалары I, II синыфта уҡыған, ҡалаларҙан балалары III йә IV синыфта уҡыған ғаиләләр.
«Күңелле старттар» барышында стадион көйәрмәндәрҙең тауыштарынан гөрләп торҙо. Тәүге һайлап алыу турында Октябрьский, Стәрлетамаҡ, Туймазы, Мәләүез, Әбйәлил, Ҡырмыҫҡалы командалары еңде. Улар араһында беренселек өсөн «Навигатор» тип аталған эстафета ойошторолдо. Һөҙөмтәлә, Әбйәлилдән Даушевтар һәм Стәрлетамаҡтан Ҡотдосовтар иң етеҙҙәре булып сыҡты. Был ғаиләләргә бүләккә «Красноусол» һәм «Йәшел сауҡалыҡ» шифаханаларына юллама тапшырылды.
Шулай уҡ «Яңы йыл ғаилә уйындары»н яҡшы ойошторғандары, күп халыҡты йәлеп иткәндәре өсөн Әбйәлил, Баймаҡ, Благовещен, Илеш, Ишембай райондары етәкселәре лә билдәләп үтелде. Улар ҙа бүләктәр алып һөйөндө.
Ғаиләләр ҡатнашлығында бындай спорт уйындары киләсәктә лә буласаҡ.
– Республика кимәлендә ошондай ярыштар үткәрелеүе бик ҡыуаныслы. Йышыраҡ уҙғарылһын ине, сөнки был саралар балаларҙы спортҡа ылыҡтырыуҙа этәргес көс булып тора, – ти Бөрйән районынан фестивалдең финалына ҡыҙҙары Айдинә менән килгән Гөлизә һәм Ринат Кәримовтар.
Улар өс бала тәрбиәләп үҫтерә. Район кимәлендә үткән барлыҡ сараларҙа әүҙем ҡатнашалар икән. Спорт яраталар. Әле ҡыш көнө бергәләп саңғыла, тимераяҡта йөрөйҙәр.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж