-6 °С
Болотло
TelegramVKOK
Бөтә яңылыҡтар

Фәрүәз ағай – хоккей комментаторы

Беҙ ғаиләбеҙ менән хоккей яратабыҙ. Бигерәк тә «Салауат Юлаев» командаһының матчтарын ихлас ҡарайбыҙ. Хатта «Металлург» менән уйнағандарын Магнитогорск ҡалаһына ла барып ҡарағаныбыҙ бар.

Яңыраҡ мәктәбебеҙҙә «Ҡурай» телевизион каналында хоккей матч­тарын башҡортса алып барыу­сы Фәрүәз Рафиҡов булды. Ул Баймаҡ районының Йәнйегет ауылында тыуған. Бәләкәйҙән хоккей ярат­ҡас, сәнғәткә ылыҡҡас, күп уҡып, үҙенең телмәре өҫтөндә ныҡышмалы эшләгәс, төрлө конкурстар аша башҡортса комментатор булып киткән. Шулай уҡ башҡа тапшырыуҙар ҙа алып бара.

Осрашыу бик ҡыҙыҡлы үтте. Фәр­үәз ағай һорауҙарыбыҙға яуап бирҙе, хоккей һәм хоккейсылар тураһында күпте белә икән. Экранда күрһәтелгән матчҡа тәүҙә беҙ комментарий яһаныҡ, һуңынан Фәр­үәз ағай һөйләне. Уны тыңлауы ҡыҙыҡ булды, сөнки теле бай, тауышы матур.

Хушлашҡанда Фәрүәз ағай беҙгә:

– Матур итеп башҡорт телендә һөйләшегеҙ. Китап уҡығыҙ. Хәҙер матур телмәр, яҡшы аралашыу модала, – тине.


Данияр САПТАРЪЯПОВ, V «Б» синыфы уҡыусыһы.
Баймаҡ районы, Иҫке Сибай мәктәбе.

Читайте нас в