+12 °С
Ямғыр
Бөтә яңылыҡтар
Көслөләр, ҡыйыуҙар, етеҙҙәр
3 Апрель 2020, 18:12
Ярыштар балаларҙы сыныҡтыра
Уҡыусыларҙың икенсе төбәк-ара «Ил һаҡсылары, алға!» спорт-белем уйындары Рәсәй, Башҡортостан гимндары менән асылды.
Сергей Галицков ярыш шарттары менән таныштырып үткәс, ҡалабыҙҙың 14-се гимназияһы уҡыусыһы Софья Костригина дәртле йыр башҡарҙы. Бар бәйгеселәр ҙә көр күңелле ине. Сибай, Учалы, Әбйәлил, Хәйбулла, Ломовка, Баймаҡтан йыйылған уҡыусылар һигеҙ этаптан торған бәйгелә белемдәрен, сослоҡтарын күрһәтте.
Кемдәр еңеү яуланымы? Ломовкалағы 2-се мәктәп (Белорет) беренсе булһа, Сибайҙың 1-се мәктәбе – II, Әбйәлилдең Таһир Күсимов исемендәге башҡорт гимназияһы III урынға сыҡты.
Мансур ЛАСЫНОВ (Баймаҡ):
– Бәйге бик йәнле үтте. Миңә бигерәк тә ҡаршылыҡтар аша үтеү, капитандар ярышы, командалар бәйгеһендә бәйләнгән күҙҙәр менән тупты төшөрмәй йөрөтөү оҡшаны.
Азамат ШӘЙНУРОВ (Баймаҡ):
– Робот техникаһы ярышы ҡыҙыҡ булды. Билдәле ваҡытҡа төҙөлгән конструкторҙарыбыҙ уңышлы килеп сыҡты.
Тамирлан ӘБҮШАХМАНОВ (Әбйәлил):
– Ҡаршылыҡтарҙы үткәндә үҙемде ил тыныслығын һаҡлар һалдат итеп тойҙом. Башҡортостаныбыҙ киләсәге беҙҙең ҡулда икәнлеген ошо бәйгелә тағы бер тапҡыр аңланым.
Камила МОРАТОВА (Әбйәлил):
– Минең Белорет ҡалаһына икенсе тапҡыр килеүем. Универмаг янындағы башняға ҡарап һоҡланам. Командалар ихлас әҙерләнгән.
Карина ҒӘЙФУЛЛИНА (Әбйәлил):
– Мин металлургтар ҡалаһын тәүгә күрәм. Ошо ҡыҫҡа ваҡыт эсендә үҙемә әхирәттәр ҙә таптым. Бындай бәйгеләрҙән ҡалмаҫҡа тырышам. Үҙемде төрлө яҡлап һынап ҡарайым. Бәләкәйҙән алған сынығыуҙарым киләсәктә кәрәк буласаҡ.
Асман БОХАРБАЕВ(Хәйбулла):
– Экологияға бәйле ярыш күңелемә ятты. Ҡалдыҡтарҙы төрҙәргә айырҙыҡ, Ер-әсәбеҙҙе таҙа тотоу кәрәклегенә тағы бер тапҡыр инандыҡ.
Нәркәс ҒӘЛИНА (Хәйбулла):
– Мин медицина менән ҡыҙыҡһынам. Шуға тәүге ярҙам күрһәтеү этабында үҙемдең туплаған белемемдең кәрәклеген тойҙом. Аварияға осрағандарға ярҙам кәрәк булғанда юғалып ҡалмауҙың мөһимлеген аңланым.
Ярыштар балаларыбыҙҙы сыныҡтыра, яңы еңеүҙәргә дәртләндерә, берҙәмлек көсөн тойҙорта. Ҡалабыҙҙың туристик үҙәге был йәһәттән өлгө күрһәтә. Рәхмәт әйтәм уларға.
Зөһрә ҮТӘҒОЛОВА.
Белорет ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж