+12 °С
Ямғыр
Бөтә яңылыҡтар
Көслөләр, ҡыйыуҙар, етеҙҙәр
22 Ғинуар 2021, 12:47
Артур Сурин иҫтәлегенә
Хәйбуллала ла хоккей яраталар. Ҡыш еттеме, күп ауылдарҙа боҙ майҙансыҡтары әҙерләнә, уны ҡарҙан таҙартып ҡына торалар. Төрлө ярыштар ҙа ойошторола.
Ә бына Бәләкәй Арыҫланғолда йыл һайын ауылдаштары, билдәле шәхес Артур Шәйхетдин улы Сурин иҫтәлегенә, хөрмәтенә балалар һәм үҫмерҙәр араһында хоккей турниры уҙғарылып килә. Бының өсөн Әбеш ауыл биләмәһе хакимиәтенә рәхмәт әйтергә кәрәк. Быйылғы ярыш бишенсе тапҡыр ойошторолоп, унда майҙан хужаларының «Әбеш-Вәзәм» командаһынан тыш, Аҡъяр, Бүребай, Садовый, Йәнтеш, Һамар йәш хоккейсылары ла саҡырылғайны. Уйындарҙы ҡарарға, изге теләктәрен еткереп, еңеүселәргә бүләктәрен тапшырырға Артур ағайҙың ҡатыны, билдәле яҙыусы, драматург Сәрүәр Рәшит ҡыҙы һәм улы Урал Суриндар ҙа килеп еткәйне.
Балаларҙың ҡыҙыу алыштарын ауыл халҡы күҙәтеп, дәртләндереп торҙо. Ә бер саранан да ситтә ҡалмаған ағинәйҙәр, ҡатын-ҡыҙҙар ойошмаһы ялға туҡтаған командаларҙы йылы сәй, тәмлекәстәр менән һыйланы.
Турнирҙа кемдәр еңдеме? Балалар араһында беренсе урынды бүребайҙар алһа, һамарҙар – икенсе, «Әбеш-Вәзәм» командаһы өсөнсө булды. Йәштәр араһында аҡъярҙар иң-иңе булып танылды. Йәнтештәр – икенсе, ә Әбеш, Вәзәм, Сик, Үрнәк ауылдарының йыйылма командаһы өсөнсө урынға сыҡты.
Еңеүселәргә кубоктарҙы, миҙалдарҙы, ҡиммәтле бүләктәрҙе Сәрүәр һәм Урал Суриндар матур теләктәр менән ихлас күңелдән тапшырҙы. Әбеш ауылы биләмәһе етәксеһе Таһир Мөғлитдин улы Юнысов киләһе йылда ла хоккей турниры уҙасағы тураһында белдереп, йәш спортсыларҙың тағы ла уйынға килеүҙәрен көтөп ҡалыуҙарын да еткерҙе.
Командалар ҡәнәғәт булып таралышты. Был турнирҙы ойошторған һәм үткәреүҙә ярҙам иткән Сәрүәр Рәшит ҡыҙына, Урал Артур улына, Таһир Мөғлитдин улы Юнысовҡа, Мөхтәр Зәкәриә улы Суринға, Фаил Фәрих улы Ғәлеевкә, фельдшер Баныу Мәғәфүр ҡыҙы Мөхәмәтоваға, ағинәйҙәр һәм ҡатын-ҡыҙҙар ойошмаһына ҙур рәхмәт әйтке килә.
М. КӨЙӘРМӘНОВ.
Хәйбулла районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж